اے نا ایوک پہ مئے گل بلکیں بلوچی زبان ءِ تہ ءَ گْوستانکی گپے ، اے سری رَند اِنت کہ گوں راجداری ءُ گلکاری ءَ ھمگرنچیں اینچو نوکیں بلوچی گالبند ءُ ٹرم یک دستاویزے ءِ تہ ءَ کارمرد بوتگ ۔1987ءَ بہ گر داں اَنی (2015)کساس بیست ءُ ھشت سال ءَ پد بلو چ نیشنل موومنٹ ءِ کارراھبند بلوچی زبان ءَ رَجانک کنگ بوتگ ۔
بی این ایم ءِ کارراھبند ءِ تہ ءَ زگریں بلوچی گال کاربند گ بوتگ کہ آیانی تہ ءَ بازیں راجداری زانشت ءَ گوں ھمگرنچیں گال اَنچین اَنت کہ چد ءُ پیش اِے رنگیں دستاویزاں کارمرد نہ بوتگ اَنت ۔ گیشتر گالبندءُ نام بلوچی زبان ءِ ھستیں گال ءَ گوں جوڑ کنگ بوتگ اَنت لھتے نوکیں گال ھم لوٹ ءِ پد ءَ ساچگ بوتگ ۔
اے گالبلد پہ وانوکانی کمک ءَ کارراھبند ءِ تہ ءَ ھوار کنگ بوتگ ۔ گال آبدانی ھساب ءَ رد ءُ بند دیگ بوتگ اَنت ، گالانی دیم ءَ اُردو ءُ پارسی بزانت ءُ جاھے کہ پکار بوتگ تازی ءُ رومن سیاھگ ءِ تہ ءَ آیانی توار ھم داتگ اَنت ءُ استار (*)ءِ نشان پہ ھما گال ءَ داتگ کہ سری رند ءَ کارمرد بوگ ءَ اَنت ءُ ’’ نک ‘‘ پہ نوکساچیں گالاں نشان زیرگ بوتگ۔ پجیگ ءَ گالانی گْرینک (ماخذ ) ھم داتگ اَنت داں وانوک اے ھم بہ زان اَنت کہ کجام گال چَہ کج ءَ زیرگ بوتگ ۔ ما اے ھم سرپد اِیں کہ زبان وھد ءِ پجیگ ءَ رُشت کنت ءُ آئی ءِ سیاھگ ءُ گالانی تہ ءَ مَٹی کَہ اِت ءُ دیمترءَ اگاں پکار بہ بیت گڑا اِے’’ گالبلد ‘‘ھما وھد ءِ ھمبلاں اے دستاویز ءِ نبشتانی گھترءُ واناک کنگ ءَ ھم کمک کنت ۔
کارمستر رَجانکی تَک
بی این ایم ندانکی دیوان
۲۳، مئی ۲۰۱۵ ء
بی این ایم ءِ کارراھبند ءِ تہ ءَ زگریں بلوچی گال کاربند گ بوتگ کہ آیانی تہ ءَ بازیں راجداری زانشت ءَ گوں ھمگرنچیں گال اَنچین اَنت کہ چد ءُ پیش اِے رنگیں دستاویزاں کارمرد نہ بوتگ اَنت ۔ گیشتر گالبندءُ نام بلوچی زبان ءِ ھستیں گال ءَ گوں جوڑ کنگ بوتگ اَنت لھتے نوکیں گال ھم لوٹ ءِ پد ءَ ساچگ بوتگ ۔
اے گالبلد پہ وانوکانی کمک ءَ کارراھبند ءِ تہ ءَ ھوار کنگ بوتگ ۔ گال آبدانی ھساب ءَ رد ءُ بند دیگ بوتگ اَنت ، گالانی دیم ءَ اُردو ءُ پارسی بزانت ءُ جاھے کہ پکار بوتگ تازی ءُ رومن سیاھگ ءِ تہ ءَ آیانی توار ھم داتگ اَنت ءُ استار (*)ءِ نشان پہ ھما گال ءَ داتگ کہ سری رند ءَ کارمرد بوگ ءَ اَنت ءُ ’’ نک ‘‘ پہ نوکساچیں گالاں نشان زیرگ بوتگ۔ پجیگ ءَ گالانی گْرینک (ماخذ ) ھم داتگ اَنت داں وانوک اے ھم بہ زان اَنت کہ کجام گال چَہ کج ءَ زیرگ بوتگ ۔ ما اے ھم سرپد اِیں کہ زبان وھد ءِ پجیگ ءَ رُشت کنت ءُ آئی ءِ سیاھگ ءُ گالانی تہ ءَ مَٹی کَہ اِت ءُ دیمترءَ اگاں پکار بہ بیت گڑا اِے’’ گالبلد ‘‘ھما وھد ءِ ھمبلاں اے دستاویز ءِ نبشتانی گھترءُ واناک کنگ ءَ ھم کمک کنت ۔
کارمستر رَجانکی تَک
بی این ایم ندانکی دیوان
۲۳، مئی ۲۰۱۵ ء
0 comments:
Post a Comment